السلام عليكم
نسمع صوت العصافير نسمع الاذان
نسمع ارتطام المطر بالارض ونسمع تراقص الامواج
لكن لا نهتم لها لم نفكر لهذا ان حرمنا منها نتمني نسمع لو خطوات البشر
مابالك الذي حرم منها للأبد كم كبر حجم الفضول لديه ليتعرف ع تلك الاصوات
.
لا تناديني تراني ما أسمعك ..
لو تبيني بس أشر باصبعك ،،
خل عنك هالصراخ ..
لو تصيح لين الصباح ..
ما أسمعك ..
أنا تراني ما أسمعك ..
.
.
وش تقول ..؟
حسك قصير و ما يطول ..!
انت تهمس ..؟
و الا كلماتك بعيدة ..
لحظتين و على وصول ..؟
طيب اسكت لحظتين ..
أبا أنتظر هالكلمتين ..
حتى لو أبطت شهور ..
جايز ما تقوى العبور ..
و أخلفت وعد الحضور ..
و ساد صمت .. !
عادي ترى ..
ما به جديد قد طرى ..
صمت ..؟!
سنين و أعوامٍ تدور ..
و أنا ساكنة صمت القبور ..
في الطفولة ..
ما سمعت قبل أرقد حكاية ..
و الا ترنيمة سلام .. تعتبر عندي هواية ..
كنت أنام ..
أعيش أنا لحظة سكون ..
قبل تغفا بي العيون ..
نومي دنـــا ..
لا حكاية و لا غنى ،،
وش لي بذاك العنا ..؟!
و في مراهقتي الخجولة ..
قالوا عن أخبار البنات ..
أحلامهن الخافية ..
و الأمنيات ..
ضحكات عذرى هامسة ..
و كلمات ذيك الأغنيات ..
و همسات سر ..
و كان ودي بسر واحد ..
تهمس به العذرا خجولة ..
و الا محبوبٍ بعيد ..
ساق لإحساسي رسوله ..
لكن الهمس البعيد ..
ما وصل سمعي أبد ..
لو كانت العذرا تعيد ..
كل ساعة همسة بسرٍّ جديد ..
ما يوصل لسمعي أبد ..
ما بفهم لكلمة أحد ..
ارفعوا الأصوات مرّة ..
أذني صمّا ..
حاجز بيني .. و بين أحبابي يحول ..
ما أسمح لشكوى أحد .. أعيش في هدأة لحد ..
وين قطرات المطر ..
و إلا دقات السمر ..
وين تكبيرة مآذن .. تدعي حيّا ع الفلاح ..
وين ترنيمة حمام .. تطرب أذني في الصباح ..
وين الضجيج ..؟
و لبيك اللهم ترقى ..
عاليّة ..
من فوج أفواه الحجيج ..
.
.
وش تقول ..؟
حسك قصير و ما يطول ..!
انت تهمس ..؟
و الا كلماتك بعيدة ..
لحظتين و على وصول ..؟
بس طالت ما لفت ..
آه .. ويلي ..
نسيت أقول ..
سمعي عذول ..
لو بتظرب بالطبول ..
ما أسمعك ..
أنا تراني ما أسمعك ..! **
.
.الابيات منقوله للكاتبه المبدعه ليتني غريبه
لكم حريه نقلها حذفها اذا فيه ملاحظه اعطوني خبر